Qaraǵandyda 1 myńnan astam bala jekemenshik mektepterde memtapsyrys boıynsha bilim alady
QARAǴANDY. QazAqparat - Bıylǵy oqý jylynda Qaraǵandyda alǵash ret 6 jeke menshik mektepte memlekettik tapsyrys boıynsha bilim alatyn boldy. Bılik ókilderiniń pikirinshe, bul qadam basqa mektepterdi jeńildetýge kómektesedi, dep habarlaıdy QazAqparat óńir basshysynyń resmı saıtyna silteme jasap.
Qalalyq bıýdjetten bul maqsatqa 322 mln teńge bólindi. Atalmysh soma jeke mektepterde 1080balanyń bilim alýyna jumsalady.
- Jeke menshik mektepterde oqýǵa memlekettik tapsyrys kólemi Qaraǵandy qalasy ákimdiginiń qaýlysymen anyqtalǵan. Kishi synyp oqýshylary úshin ol aıyna 15 510 teńgeni, orta býyn úshin – aıyna 20 555 teńgeni jáne joǵary synyp oqýshylary úshin aıyna 23 359 teńgeni quraıdy, - dedi Qaraǵandy bilim bóliminiń basshysy Gúlsim Qojahmetova.
Budan basqa, qalalyq bılik qazirgi tańda bıznesmender úshin jeke menshik mektepterdi ashý tıimdi bolatyndaı jaǵdaı jasaýǵa tyrysýda. Prıshahtınskide búginde 240 oryndyq jeke bastaýysh mekteptiń qurylysy júrip jatyr, Maıqudyq, Gúlder jáne Kúngeı yqshamaýdandarynda salynatyn taǵy úsh mekteptiń jobasy qarastyrylý barysynda.
Qaraǵandyda barlyǵy 133 memlekettik bilim berý uıymdary bar. Olardyń ishinde 80 mektep, 42 balabaqsha, 10 mektepten tys uıym jáne bir túzetý kabıneti bar. Bıyl B. Momyshuly kóshesinde 1300 oryndyq jańa mektep ashylady. Bilim bóliminiń aqparaty boıynsha, qazir 13 qalalyq mektep shamasynan tys júktelgen, №34 mektepte balalar úsh aýysymda oqıdy.
