Qaraǵandyda 1 mln teńgeniń altyn buıymdaryn urlaǵandar ustaldy
QARAǴANDY. QazAqparat - Qaraǵandyda polıtsııa qyzmetkerleri 1 mıllıon teńgege baǵalanatyn altyn buıymdardy urlaǵan úsh jigitti ustady, dep habarlaıdy QazAqparat tilshisi.
19 naýryzda polıtsııa pýltine belgisiz tulǵalar páterge kirip, 1 mln teńgeden astam somanyń altyn buıymdaryn urlap ketkendigi týraly habar kelip tústi.
Tergeý barysynda Mıhaılov PB-nyń qyzmetkerleri 21-26 jas aralyǵyndaǵy úsh qala turǵynyn anyqtady. Quqyq qorǵaý organdarynyń qyzmetkerleri ustalǵandardan jasandy kiltter men altyn buıymdardy aıǵaq zattar retinde tárkilegen.
Sonymen qatar, kúdiktiler Qaraǵandy qalasynda ǵana emes, sondaı-aq Temirtaýda da birneshe páterdi tonaǵandaryn moıyndady.
Aıta ketý kerek, QR QK-niń 188-baby boıynsha urlyq, ıaǵnı bóten múlikti jasyryn urlaǵany úshin 10 jylǵa deıin bas bostandyǵynan aıyrý jazasy kózdelgen.
