Qaraǵandy zoobaǵy tolyqtaı qaıta jasalady
QARAǴANDY. QazAqparat - Qaraǵandynyń janýarlar baǵynda kúrdeli jóndeý jumystary júrgiziledi. Bolashaqta tálimbaq aýmaǵynda zamanaýı ǵımarat, qaýmaldar, qashalar, jasandy shyǵanaqtar men kólder paıda bolady. Janýarlardy ustaý sharttary men olardy kórsetý qaǵıdalary da tolyǵymen ózgeretini kútilýde, dep habarlaıdy QazAqparat tilshisi qala ákimdiginiń baspasóz qyzmetine silteme jasap.
«Qaıta qurý jobasyn «Grajdanproekt» ınstıtýtynyń qyzmetkerleri zoolog mamandardyń qatysýymen jasady. Zooparktiń aýmaǵynda jóndeýge jatpaıtyn eski, apattyq ǵımarattarǵa demontaj jasaý bastaldy. Onyń ornyna janýarlardy qysta ustaıtyn jańa nysan turǵyzylady. Barlyǵy zamanaýı, ınnovatsııalyq talaptarǵa saı jasalady», - dep atap ótti baspasóz qyzmetinen.
Jospar boıynsha jańa ǵımarat holynyń ortalyǵynda úsh qabattan turatyn atrıým bolady. Kelýshiler birinshi qabattan qoltyraýyn men tasbaqalardy kóre alady. Ekinshi qabatta akvarıýmdardaǵy balyqtar, reptılııalar men qustar bolady. Úshinshi qabatta 46 adamǵa arnalǵan kórme zaly men konferents-zal ornalasady.
Qurylystyń merzimi - 16 aı.
Qaraǵandy zoobaǵy - Qazaqstandaǵy eń eski haıýanattar baǵynyń biri, memlekettik mańyzy bar park. Onyń irgesi 1938 jyly qalanǵan.
