Qaraǵandy jylý elektr ortalyǵynda 6 qazandyqtyń tórteýi jumys istep tur

QARAǴANDY. QazAqparat - Atomdyq jáne energetıkalyq qadaǵalaý men baqylaý komıtetiniń basshylyǵy Qaraǵandy jylý elektr ortalyqtaryna bardy, dep habarlaıdy QazAqparat Energetıka mınıstrligine silteme jasap.

Komıtet basshylyǵy «Arselor Mıttal Temirtaý» AQ JEO-2 jáne «Qaraǵandy-Energotsentr» AQ JEO-3 boldy.

JEO-2 qazandyq pen týrbınalyq tsehtardyń negizgi jabdyqtary tekserildi.

Qazirgi ýaqytta 6 qazandyqtyń 4-i jumys isteıdi. № 2 qazandyq 2023 jyldyń 10 qańtaryna deıin jóndelip jatyr.

Qosalqy jabdyqtaǵy aqaýlardy joıý úshin № 3 qazandyq toqtatyldy.

Turaqty jylýmen qamtamasyz etý máselesi Qaraǵandy oblysy ákiminiń birinshi orynbasary Vadım Basın men Temirtaý qalasynyń ákimi Oraz Taýrbekovtiń qatysýymen ótken keńeste qaraldy.

№ 2 qazandyqty kúrdeli jóndeýdi aıaqtaýdy jedeldetý jáne gaz tazartý jabdyqtary boıynsha jóndeý júrgizý qajettigi atap ótildi.

JEO-3 barǵan kezde «Qaraǵandy-Energotsentr» JShS kúrdeli jóndeýden keıin № 5 týrbına boıynsha iske qosý operatsııalarynyń barysymen, sondaı-aq kómir jınaý máselesimen tanysty.

Komıtet «QTJ «UK» AQ jáne «Bogatyr-Kómir» JShS-men birlesip qordy ulǵaıtý maqsatynda kómir marshrýttaryn tasymaldaýdy úılestirý boıynsha kúndelikti jumys júrgizip jatyr.