Qaraǵandy jurty Lenın shahtasynda qaza bolǵan kenshilerdi eske aldy
QARAǴANDY OBLYSY. QazAqparat - Qaraǵandy oblysy Shahtınsk qalasynda osydan on jyl buryn Lenın atyndaǵy shahtada bolǵan jarylystan qaza bolǵan 41 kenshini eske alýǵa arnalǵan mıtıng-rekvıem ótti.
«Bul mıtıng - Lenın atyndaǵy shahtada qaza tapqan kenshilerdi eske alýǵa arnalǵan. 41 adamnyń ómirin jalmaǵan jarylystan keıin on jyl ótti. Biz kenshilerimizdi umytpaımyz, árqaısysyn jeke tanımyz jáne olardy qaıǵyra eske alamyz», - dedi Shahtınsk ákimi Serjan Aımaqov.
Eske salaıyq, 2006 jyly 20 qyrkúıekte Lenın atyndaǵy shahtada jarylys bolyp, saldarynan 41 adam kóz jumdy, taǵy 12-si túrli jaraqattar aldy. Apat Qaraǵandynyń eń iri kómir basseınderiniń birinde boldy. Oqıǵaǵa tekseris júrgizgen úkimettik komıssııa apattyń sebebi tehnıkalyq jáne uıymdastyrýshylyq talaptardyń buzylýynan boldy dep uıǵardy.
Qaraly jaǵdaı óńirde shahterlerdiń jappaı kóterilýine alyp keldi. Ereýilge shyqqan jumysshylar eńbekaqylarynyń joǵarylaýyna qol jetkizdi. Keıinirek, quny 46 mıllıon AQSh dollary bolatyn kenshiler eńbegi qaýipsizdigi baǵdarlamasy qabyldandy.
