Qaraǵandy joldaryna «aqyldy» kameralar men baǵdarshamdar ornatylady
ASTANA. QazAqparat - Qaraǵandy qalasyndaǵy joldarda qaýipsizdikti qamtamasyz etetin zamanaýı júıe engizilip jatyr, dep habarlaıdy QazAqparat oblys ákimdiginiń baspasóz qyzmetine silteme jasap.
Ótken jyly qalazda 800 jańa jol belgisi paıda boldy. Bul sharalar oblys ortalyǵyndaǵy jol-kólik oqıǵalaryn azaıtýǵa septigin tıgizgen.
«Bıylǵy jyly biz taǵy 1 000 jańa jol belgisin, úsh baǵdarsham jáne bes belsendi jaıaý júrginshiler jolyn ornatýdy josparlap otyrmyz», - dedi Qaraǵandy qalasynyń ákimi Nurlan Áýbákirov Aımaqtyq kommýnıkatsııalar qyzmetinde ótken brıfıng barysynda.
Ol sonymen qatar jol-kólik oqıǵalarynyń artýy, kólik sanynyń ulǵaıýyna baılanysty ekenin atap ótti. Búgingi tańda qalada 179 myń avtomobıl men mototsıkl tirkelgen. 
Joldardaǵy qaýipsizdikti qamtamasyz etý jańa júıesi ınnovatsııalyq sandyq tehnologııalardy paıdalanýdy qarastyrady, onyń ishinde áAqyldy baǵdarsham» sekildi qurylǵylar bar. Bul tehnologııa qozǵalys aǵynyn baqylaýǵa jáne anaǵurlym kóbirek kólikti ótkizip jiberý úshin baǵdarshamnyń jasyl jaryǵyn uzaǵyraq janyp turýyna múmkindik beredi. Sonymen qatar jaǵdaıdyń ári qaraıǵy damýyn boljap, osy málimetterdi negizge ala otyryp, baǵdarshamdardyń jumysyn retteı alady. Sonymen qatar qala joldarynda beıneni saraptaıtyn jáne jylý sezgish baqylaý kameralary paıda bolady.
