Qaraǵandy: Jolaýshylar avtobýsynyń esigi áıeldiń basyna qulady
QARAǴANDY. QazAqparat – Qaraǵandy oblysynyń Topar kentindegi avtovokzalda avtobýstyń esigi qulap, bir adam zardap shekti, dep habarlaıdy QazAqparat tilshisi.Zardap shekken áıel aýrýhanaǵa jetkizildi.
«1963 jyly týǵan áıel Abaı aýdanynyń ortalyq aýdandyq aýrýhanasyna jetkizildi. Basynan jaraqat alǵan. Qazir oǵan qajetti medıtsınalyq kómek kórsetilip jatyr», - dedi Qaraǵandy oblysy Densaýlyq saqtaý basqarmasynyń baspasóz qyzmeti.
Zardap shekken áıel Tatıana Mısak qoǵamdyq kóliktiń tehnıkalyq ahýalyna narazylyq bildiredi.
«Qaraǵandyǵa qatynaıtyn avtobýstyń esigi kezek kútip turǵan adamdardyń ústine qulady. Men eń aldynda turǵam, úlken temir esik meniń basyma qulady. Mıym shaıqaldy, meni aýrýhanaǵa jetkizdi. Eger meniń ornymda jas bala bolsa, qaıǵymen aıaqtalar edi, kim biledi?!», - deıdi Tatıana Mısak.
Avtobýs tıesili avtopark ókilderi oqıǵanyń egjeı-tegjeıin anyqtap jatqanyn bildirdi.
