Qaraǵandy jol polıtsııasy basqarmasynyń ǵımaraty órtendi
ASTANA. Shildeniń 10-y. QazAqparat - Juma kúni keshkisin Qaraǵandy qalalyq jol polıtsııasy basqarmasynyń ǵımaraty órt qushaǵyna orandy,
dep habarlady QR Tótenshe jaǵdaılar mınıstrliginiń baspasóz qyzmetinen.
Qutqarýshylardyń aqparaty boıynsha, tilsiz jaý ǵımarattyń 3-shi qabatyndaǵy kabınetterdiń birinde tutanyp, 30 sharshy metr aýmaqty qamtyǵan.
«Qaza tapqandar men zardap shekkender joq», dep atap ótken baspasóz qyzmeti.
Qyzyl jalyn jarty saǵat ótkennen keıin QR TJM Qaraǵandy oblystyq tótenshe jaǵdaılar departamenti órt sóndirý qyzmetiniń jeke quramynyń 23 mamany men 6 tehnıkasynyń kúshimen aýyzdyqtaldy.
