Qaraǵandy-Jezqazǵan poıyzynyń júrý kestesi ózgerdi
QARAǴANDY. QazAqparat - № 610 Qaraǵandy-Jezqazǵan poıyzynyń júrý kestesi ózgerdi, dep habarlaıdy QazAqparat tilshisi oblystyń Jolaýshylar kóligi jáne avtomobıl joldary basqarmasyna silteme jasap.
2018 jylǵy 18 sáýirde №609/610 Karaǵandy - Jezqazǵan baǵytyndaǵy áleýmettik mańyzy bar temirjol qatynasy boıynsha jolaýshylardy tasymaldaý kestesi jańartylǵan edi.
Kóptegen jolaýshylardyń ótinishterine baılanysty, 2018 jylǵy 6 tamyzdan bastap «Qaraǵandy-Jezqazǵan» baǵytynda júretin poıyzdyń qozǵalys kestesine ózgeris endi.
Poıyzdyń Qaraǵandydan attanatyn ýaqyty saǵat 21:36-dan 18:55-ke aýystyryldy. Jezqazǵanǵa saǵat 7:27-de jetedi. Al poıyzdyń Jezqazǵannan jol júrý ýaqyty saǵat 21:21-den 21:10-ǵa ózgertildi. Poıyz Qaraǵandyǵa tańǵy saǵat 8:50-de jetedi.
Budan bólek, aralyq beketterdegi poıyzdardyń toqtap turý ýaqyty azaıǵandyqtan, joldyń jalpy júrý ýaqyty 13 saǵattan 12,5 saǵatqa deıin qysqartyldy.
