«Qaraǵandy – Jezqazǵan» poıyzy kún saıyn qatynaı bastady
QARAǴANDY. QazAqparat – 25 qańtardan bastap Qaraǵandy - Jezqazǵan baǵytyndaǵy poıyz kún saıyn qatynaı bastady. Bul sheshim Jezqazǵan, Sátbaev qalalary, Ulytaý, Abaı, Jańaarqa jáne Shet aýdandary turǵyndarynyń ótinishi boıynsha qabyldandy, dep habarlaıdy QazAqparat tilshisi.
№610/609 poıyzy burynǵy baǵyt boıynsha 28 eldi mekenge aıaldaıdy: Qaraǵanózek, Qarabas, Qulaıǵyr, Qaramuryn, Darııa, Burma, Jaryq, Kóktenkól, Jańaarqa, Atasý, Myńadyr, Jomart, Jeńis, Qyzyljar, Túıemoınaq, Terekti stantsııalary jáne 12-razezd. Bul temirjol qatynasy áleýmettik mańyzdy bolyp tabylady.
Poıyz Qaraǵandydan saǵat 18.02-de (jol júrý ýaqyty 11 saǵat 37 mınýtty quraıdy), al Jezqazǵannan saǵat 22.10-da jóneltiledi.
Quram alty vagonnan (eki kýpe, úsh platskart jáne bir jalpy) quralǵan. Ótken jyly olar Gomel vagon jasaý zaýytynda kúrdeli jóndeýden ótti.
Esterińizge sala keteıik, osyǵan deıin «Qaraǵandy – Jezqazǵan» poıyzy kúnara júrgen bolatyn. Ótken jyly 100 myńnan astam jolaýshy tasymaldandy, aldaǵy ýaqytta bul sandy 1,5-2 esege arttyrý josparlanýda.
