Qaraǵandy jeńil atletıka manejinde múgedektigi bar adamdarǵa jaǵdaı jasaldy
Ǵımarat foıesiniń kireberisinde tabaldyryqsyz esikter men keramogranıtten jasalǵan arnaıy tabaldyryqtar ornatyldy. Nashar kóretinderge arnalǵan taktıldi taspalar, eki tilde braıl shrıftimen jazylǵan belgiler paıda boldy. Dýsh, jýynatyn bólmeler men kıim aýystyratyn bólmeler jabdyqtalǵan.
Jańartylǵan manejde qazir paralımpıadashylar jattyǵyp jatyr. Olardy alda Frantsııadaǵy XVII Paralımpıadalyq jazǵy oıyndarǵa qatysýǵa lıtsenzııa alý úshin kúresetin mańyzdy starttar kútip tur. Ol jarystar Parıjde 2024 jyldyń 28 tamyzy men 8 qyrkúıegi aralyǵynda ótedi. Úmitkerler arasynda jeńil atletter Dastan Muqashbekov pen Rýfat Habıbýllın, júzýshiler Natalıa Zvıagıntseva, Andreı Afanasev, Álııa Rahymbekova bar.
«Aqpan aıynda Dýbaıda jeńil atletıkadan Gran-prı ótedi. Jarysqa bizdiń úsh sportshy ushady. 2023 jylǵa úlken baǵdarlama josparlanǵan: 9 týrnır, jeńil atletıkadan álem chempıonaty, Qytaıdaǵy Azııa oıyndary. Sportshylar belsendi jattyǵýlar jasaıdy, barlyǵy jaqsy nátıjelerge qol jetkizýge tyrysady. Biz Dastan Muqashbekovke úlken úmit artamyz: Qazaqstanda ol birinshi orynda, álemdik reıtıngide úshtikte. Rýfat Habıbýllınniń de jaqsy jetistikteri bar: Azııa reıtınginde ol úshtikte, álemdik reıtıngide altylyqta», - dedi jeńil atletıkadan jattyqtyrýshy Sergeı Bezgachev.
Onyń aıtýynsha, jas paralımpıadashylardyń keleshegi zor. Mysaly, Abaı qalasynyń týmasy Igor Hlystov jeńil atletıkaǵa jarty jyl buryn kelgen. Portýgalııadaǵy Dúnıejúzilik oıyndarda 200 jáne 400 metrge júgirýde qola júldege ıe boldy. Qazir oǵan halyqaralyq dárejedegi sport sheberi ataǵy berildi.
Qaraǵandyda 2003 jyly múgedekter sporty boıynsha oblystyq mamandandyrylǵan mektep ashyldy. Búginde munda 470 adam aınalysady.
