Qaraǵandy jastary jaýyngerlerdiń jaraqtaryn tamashalady

ASTANA. QazAqparat - Kúzgi áskerge shaqyrý naýqanyn ótkizý aıasynda 31775 áskerı bólimde shaqyrylý jasyndaǵy jastarǵa arnalǵan ashyq esik kúni ótti, dep habarlaıdy QR Qorǵanys mınıstrliginiń baspasóz qyzmeti.

Áskerı ómirdi E. Bóketov atyndaǵy Qaraǵandy memlekettik ýnıversıtetiniń alǵashqy áskerı daıyndyq kafedrasynyń stýdentteri men kolledj shákirtterinen quralǵan 80 oqýshy kórýge keldi.  «Mundaı is-sharalar jastardyń qazaqstandyq qoǵamnyń bazalyq qundylyqtaryna qurmetpen qaraýǵa qalyptastyrady, áskerı kásip pen qyzmettiń ımıdjin arttyrady. Árqaısymyz Otanymyzdyń bolashaq qorǵaýshysymyz. Búgin sender áskerı qyzmetshilerdiń qyzmet etý jaǵdaıymen tanysyp, qarý-jaraq pen áskerı tehnıkany óz kózderińmen kóre alasyńdar», - dep 31775 áskerı bóliminiń komandıri podpolkovnık J.Maralov.

Іs-sharaǵa sondaı-aq, Qarýly kúshter men soǵys ardagerleri qatysyp, jaýyngerlik tájirıbelerimen bólisti jáne óskeleń urpaqqa alǵy sózderin aıtty. «Qarýly kúshter shekaranyń tutastyǵyn saqtap qalý úshin qurylǵan. Biz ata-babalarymyzdyń ósıetin umytpaı, beıbitshilikti saqtaýǵa tıispiz. Otanymyzdyń bolashaǵy senderdiń qoldaryńda», - dedi sóz sońynda Aýǵanstandaǵy ardagerler men soǵys múgedekteri odaǵy qoǵamdyq birlestiginiń tóraǵasy T. Hasenov.