Qaraǵandy jáne Shyǵys Qazaqstan oblystarynda jol qatynasy shekteldi
ASTANA. 15 naýryz. QazAqparat - 2011 jylǵy 14 naýryzda saǵat 21.30-dan bastap Shyǵys Qazaqstan oblysynda aýa raıynyń qolaısyzdyǵynan (qatty boran, kóktaıǵaq) birqatar ýchaskelerde avtokóliktiń barlyq túrine jol júrýge tyıym salyndy.
Bul týraly QazAqparat Kólik jáne kommýnıkatsııa mınıstrliginiń baspasóz qyzmetine silteme jasap habarlaıdy. Atap aıtqanda - «Semeı-Novoaltaısk» avtojolynyń «Semeı qalasy - Reseı shekarasy» (2-113 shm) ýchaskesinde, «Omby-Maıqapshaǵaı» avtojolynyń «Semeı-Qaınar» (8-284 shm) ýchaskesinde tyıym salynyp otyr. Bul ýchaskelerde 22 dana tehnıka jumys júrgizýde.
Sonymen qatar 2011 jylǵy 14 naýryzda saǵat 08.45-ten bastap Qaraǵandy oblysyndaǵy avtomobıl joldarynda aýa raıynyń qolaısyzdyǵynan (kóktaıǵaq) birqatar ýchaskelerde avtokóliktiń barlyq túrine jol qatynasy shektelgen bolatyn. Atap aıtqanda, «Qyzylorda-Petropavl» avtojolynyń «Jezqazǵan - Sátpaev» (6-24 shm) ýchaskesinde, «Qyzylorda-Pavlodar» avtojolynyń «Jezqazǵan - Qyzylorda oblysynyń shekarasy» (424-216 shm) ýchaskesinde, «Qyzylorda-Petropavl» avtojolynyń «Topar - Jezqazǵan» (433-905 shm) ýchaskesinde, «Ekaterınbýrg-Almaty» avtojolynyń «Qaraǵandy - Balqash» (1492-1854 shm) ýchaskesinde, «Ekaterınbýrg-Almaty» avtojolynyń «Qaraǵandy - Astana» (1457-1353 shm) ýchaskesinde shekteýler jasalǵan.
«Avtomobıl joldarynda keleńsiz jaǵdaılardyń aldyn alý úshin aýa raıy jaqsarǵansha jol júrýden bas tartyp, Qazaqstannyń gıdrometeorologııalyq qyzmetiniń habarlamalaryna nazar salǵan jón. QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady», - delingen baspasóz aıǵaǵynda.
