Qaraǵandy jáne Qostanaı oblystarynda túnde úsik júrýi yqtımal
ASTANA. QazAqparat - 13 qyrkúıekte Qazaqstannyń basym bóliginde atmosferalyq frontaldy bólikterdiń ótýine baılanysty naızaǵaıly jańbyr, uıytqyǵan jel saqtalady. Batysta jáne ońtústikte jaýyn-shashynsyz aýa raıy kútiledi. Batysta, soltústikte, soltústik-batysta jáne shyǵystyń keı jerlerinde tuman kútiledi, dep habarlaıdy Qazgıdromet.
Aqmola, Pavlodar, Qaraǵandy, kúndiz Almaty, Jambyl, Qyzylorda, Atyraý, Batys Qazaqstan, Shyǵys Qazaqstan oblystarynda keı jerlerinde jel 15-20 m/s-ge kúsheıedi.
Aqmola, Atyraý, Batys Qazaqstan, Shyǵys Qazaqstan oblystarynyń keı jerlerinde tuman túsedi.
Mańǵystaý, Qostanaı, Soltústik Qazaqstan keı jerlerinde tuman kútiledi.
Túnde Qaraǵandy oblysynyń keı jerlerinde 1-3 gradýs úsik júrýi yqtımal, Qostanaı oblysynda jer betinde 1,3 gradýs sýytady.
Atyraý, Ońtústik Qazaqstan, Batys Qazaqstannyń keı jerlerinde, Aqtóbe, Jambyl, Almaty, Shyǵys Qazaqstan oblystarynyń keı jerlerinde óte joǵary órt qaýipi saqtalady.
