Qaraǵandy jáne Qostanaı oblystary aýmaǵyndaǵy avtojoldarda kólik qozǵalysyna shekteý qoıyldy -«Qazaqavtojol» RMK
ANA. 7 aqpan. QazAqparat /Rýslan Ǵabbasov/ - Qaraǵandy jáne Qostanaı oblystary aýmaǵyndaǵy avtojoldarda kólik qozǵalysyna shekteý qoıyldy.
Bul týraly búgin «Qazaqavtojol» RMK-nyń baspasóz qyzmeti habarlady.
Atap aıtqanda, búgin saǵat 15:00-den bastap qalyń qardyń túsýine baılanysty jáne borannyń saldarynan Qaraǵandy oblysy boıynsha «Jezqazǵan-Esil-Petropavl» avtojolyndaǵy «Sátbaev qalasy-Qostanaı oblysyna deıingi» ýchaskedegi 24-252 shaqyrymdarda kólik qozǵalysyna shekteý qoıyldy.
Sonymen qatar Qostanaı oblysyndaǵy boranǵa baılanysty tústen keıin «Ekaterınbor-Almaty» respýblıkalyq mańyzy bar avtojolynyń «Bırıýkovka-SQO-ǵa deıingi» aralyǵyndaǵy 589-729 shaqyrymynda, «Qostanaı-Áýlıekól-Surǵan» avtojolynyń «Áýlıekól-Aqmola oblysyna deıingi» ýchaskeniń 103-232 shaqyrymynda, sondaı-aq «Borovskoı-SQO» avtojolynyń «Mamlıýtka-Qostanaı» ýchaskesiniń 330-180 shaqyrymynda kóliktiń barlyq túrleri úshin jolǵa shyǵýǵa tyıym salyndy.
