Qaraǵandy turǵyny urlanǵan kólikti satqan elordalyq sheneýnikterden ótemaqy talap etti
QARAǴANDY. QazAqparat - Elektrondy saýda-sattyqta saýdalanǵan Toyota Land Cruiser Prado djıpi urlanǵan kólikter tiziminde turǵan. Al, ony satyp alǵan Qaraǵandy turǵyny Astana qalasynyń Memlekettik múlik jáne jekeshelendirý departamentininen moraldyq ótemaqy talap etti, dep habarlaıdy QazAqparat.
Qaraǵandylyq talap etken ótemaqy kólemi 100 myń teńge. «Aryzdanýshy Toyota Land Cruiser Prado kóligin satyp alýǵa jumsalǵan 4 mln 762 myń teńgemen qosa 100 myń teńge kóleminde moraldyq shyǵyndy óndirýdi talap etken», - dep habarlaıdy Qaraǵandynyń №2 Qazybek bı aýdandyq soty.
Aqtóbeden urlanǵan kólik Astana qalalyq ádilet departamentiniń ıeliginde bolǵan. Mashına shyǵysqa shyǵarylyp, saýda-sattyqqa qoıylǵan. Elektrondyq saýda-sattyqty uıymdastyrýshy Memlekettik múlik jáne jekeshelendirý departamenti.
Sot eń aldymen kóliktiń ákimshilik polıtsııa basqarmasynyń tirkeý bóliminde qalaısha tirkeýge alynǵanyn naqtylaýy kerek. Oqıǵanyń mán-jaıyn anyqtaýǵa Astananyń quqyq qorǵaý organdary kirisken.
