Qaraǵandy turǵyny syǵan-balgerdiń 1 mln. teńgesin qalaı úptep ketkenin bilmeı de qaldy
ASTANA. 18 shilde. QazAqparat - 17 shilde kúni shamamen saǵat 15.30-da Qaraǵandy qalasynyń 24 jasar turǵyny polıtsııaǵa habarlasyp, shaǵymdanǵan.
Jábirlenýshiniń aıtýynsha. Erýbaev jáne Beıbitshilik kóshesi qıylysynda 25-30 jas shamasyndaǵy syǵan ultty eki belgisiz áıel aldap-arbaý arqyly (til-kózden saqtaımyz dep) 1 000 000 teńge somasynda aqshasyn urlap ketken.
Sondaı-aq «balgerler» jas qyzdyń gaýhartasty saǵaty men altyn syrǵasyn, alqasyn jáne 2 saqınasyn sheship alǵan. Bul týraly Qaraǵandy oblysy ІІD-niń baspasóz qyzmeti habarlady.
Alaıaqtyq faktisi boıynsha qylmystyq is qozǵaldy. Polıtsııa 26 jasar kúdiktiniń kim ekendigin anyqtady, ony ustaý jáne sybaılasynyń jeke tulǵasyn anyqtaý boıynsha shara júrgizilýde.
