Qaraǵandy turǵyny polıtseıdi arandatpaq bolǵan
QARAǴANDY. QazAqparat – Áleýmettik jeliniń Qaraǵandyǵa tanymal paraqshalarynyń birinde kólik mingen er adamnyń polıtseımen qaqtyǵysy túsirilgen vıdeo tarady. Polıtsııa departamenti osy jaǵdaıǵa qatysty pikir bildirdi, dep habarlaıdy QazAqparat tilshisi.
Vıdeodan kólik ıesi polıtseımen eregisip, ózinikin aqtaýǵa tyrysqany kórinedi.
«Bıyl 21 qazan kúni Qaraǵandy qalasynyń Bájenov-Progress kósheleriniń qıylysynda «Hýndaı Aktsent» avtomashınasynyń júrgizýshisi ońǵa burylarda jaıaý júrginshilerge jol bermegen. Sol kezde qyzyl baǵdarshamda patrýl mashınasy turǵan. Álgi júrgizýshiniń áreketine narazy adamdar polıtsııa qyzmetkerine júgingen, artynsha patrýl «Hýndaı Aktsentti» toqtatpaq bolady. Mashına zyrǵyp otyryp, jekemenshik úılerdiń arasyna kirip ketken. Ony qýyp jetken polıtsııa qyzmetkeri júrgizýshige aýyzsha eskertpe jasap, ol jerden kóliginiń artymen shyǵa bergende, álgi jolyn bógep, vıdeoǵa túsire bastaǵan. Osylaısha tártip saqshysyn janjalǵa tartpaq bolady.Oǵan taǵy da eskertpe jasaǵan. Er adam polıtsııa qyzmetkerin arandata alǵan alǵan joq», - dep málimdedi polıtsııa departamenti.
Vedomstvonyń aqparatyna súıensek, atalǵan avtomashınanyń ekıpajy oqys oqıǵa bolǵan kezde áli qyzmetine kirispegen. Soǵan baılanysty, vıdeotirkeýishi qosylmaǵan.
Aıta keteıik, jyl basynan beri Qaraǵandy qalasynyń aýmaǵynda júrgizýshilerdiń jaıaý júrginshilerdi jibermeýinen, 30 márte adamdardy kólik qaqqan. Sonyń saldarynan 32 adam jaraqat alyp, eki adam qaza tapty.
