Qaraǵandy turǵyny óz úıinde úgit-nasıhat pýnktin ashty
«Meıram Áıgerim - úsh balany tárbıelep otyrǵan jas ana. Buryn saılaý aldyndaǵy naýqanǵa qatyspaǵan, biraq árdaıym belsendi ómirlik ustanymdy ustanyp, oblystyq is-sharalar men qaıyrymdylyq aktsııalaryn uıymdastyrýǵa atsalysqan. Onyń aıtýynsha, ol "Qazaqstan Respýblıkasynyń Kásipodaqtar federatsııasy" Respýblıkalyq kásipodaqtar birlestiginen úmitker usynylǵany týraly jańalyqtardan bilip, Qazaqstan Respýblıkasy Prezıdenttigine Úmitker Amankeldi Taspıhovty qoldaý boıynsha Qaraǵandy oblystyq qoǵamdyq shtabyna úı jaǵdaıyndaǵy úgit-nasıhat pýnktin ashý týraly usynys jasady», - delingen habarlamada.
Qaraǵandy oblysy Kásipodaq Ortalyǵynyń "Keleshek" Jastar keńesiniń mobıldi úgit-nasıhat toby Meıram Áıgerimge úgit-nasıhat materıaldaryn usynyp, úı jaǵdaıyndaǵy úgit-nasıhat pýnktin uıymdastyrýǵa kómek kórsetken.
«Úgit-nasıhat pýnktine bir kúnde 18 adam keldi. Olar - syrtqy esiktegi belgini kórgen jaqyn mańdaǵy kórshiler. Kelýshilerge Úmitkerdiń ómirbaıany, onyń saılaýaldy tuǵyrnamasy, elimizdegi kásipodaqtar qyzmeti týraly aıtyldy», - delingen habarlamada.
Qasıetti Ramazan aıynda aýyz bekitken kóp páterli úı turǵyndary úshin qonaqjaı úı ıesi aýyzashar uıymdastyrdy.
