Qaraǵandy turǵyny nesıe áperemin degen syltaýmen jarty mıllıon teńgeni ıemdengen
QARAǴANDY. QazAqparat - Qaraǵandy oblysynda 34 jastaǵy áıel nesıe rásimdeımin degen syltaýmen iri somadaǵy qarjyny ıemdengen, dep habarlaıdy QazAqparat tilshisi.
«Bıyl 23 mamyrda Qaraǵandy qalalyq Іshki ister basqarmasy ońtústik-shyǵys polıtsııa bólimine Qaraǵandy oblysynyń úsh turǵyny kelgen. Olar 34 jastaǵy qala turǵynynyń nesıe rásimdeımin degen syltaýmen jarty mıllıon teńgeni ıemdengenin aıtyp, shaǵymdanǵan», - dedi Qaraǵandy oblystyq ІІD baspasóz qyzmetinen.
Polıtsııa qyzmetkerleri buryn osyndaı áreketi úshin isti bolǵan 34 jastaǵy kúdiktini ustady.
Oqıǵa boıynsha QR Qylmystyq kodeksiniń 190-baby 1-bóligi «Alaıaqtyq jasaý» boıynsha sotqa deıingi tergeý bastaldy. Kúdiktiden eshqaıda ketpeý týraly qolhat alyndy.
