Qaraǵandy turǵyny kúıeýin óltirýge tapsyrys bergen
QARAǴANDY. QazAqparat - Qaraǵandy oblysy ishki ister departamenti uıymdasqan qylmyspen kúres basqarmasynyń qyzmetkerleri Qaraǵandydaǵy tapsyryspen kisi óltirýdiń aldyn aldy, dep habarlady «QazAqparat» HAA tilshisi.
«Oblystyń ІІD UQKB jedel qyzmetkerlerine 41 jastaǵy Qaraǵandy turǵyny óziniń kúıeýin óltirýge tapsyrys bermekshi bolyp jatqany belgili boldy. Osy fakti boıynsha sol kúni QR QK 24-baby 3-bóligi jáne 99-baby 1-bóligi boıynsha sot aldy tergeý bastaldy.
Polıtseıler jábirlenýshi tapsyrys berýshiniń 46 jastaǵy erin anyqtady. Oǵan qaýipsizdik sharalary qabyldandy. UQKB qyzmetkerleri jalǵan kisi óltirý operatsııasyn uıymdastyrdy, artynsha qyzmeti úshin aqsha berý jáne oryndaýshydan óltirilgen adamnyń sýretin alý kezinde tapsyrys bergen áıel qolǵa tústi», - dep habarlady ІІD baspasóz qyzmetiniń basshysy Baqytjan Qudııarov. Utalǵan dáleldi aıǵaq berdi, ýaqytsha ustaý oqshaýlaǵyshyna qamaldy. Tergeý barysynda onyń kúıeýin óltirýdi josparlap júrgenine birneshe jyl bolǵany anyqtaldy.
