Qaraǵandy turǵyny burynǵy súıiktisine 20 jerden pyshaq salǵan
QARAǴANDY. QazAqparat – Qaraǵandylyq polıtseıler burynǵy súıiktisine 20 ret pyshaq salǵan er adamdy izdestirýde, dep habarlaıdy QazAqparat tilshisi.
«10 qazan kúni, saǵat shamamen 22.59-da 28 jastaǵy áıel pyshaq jaraqatymen oblystyq klınıkalyq aýrýhanaǵa jatqyzyldy. Atalmysh derek tirkeldi», - dep málim etti Qaraǵandy oblysy Polıtsııa departamentinen.
Aldyn ala boljam boıynsha, áıel 23 jastaǵy jigitpen ekeýara janjal kezinde jaraqat alǵan.
«Naýqas aýrýhanaǵa aıaqtary jáne arqasyna tıgen kóptegen pyshaq jaraqattarymen tústi. Qazir jaǵdaıy bir qalypty», - dep habarlady oblystyq Densaýlyq saqtaý basqarmasynan.
Bul qylmysqa onyń burynǵy jigiti bardy degen boljam bar. JBI shaǵyn aýdanynda ol zardap shekken áıelge kelip, áńgimelesýge shaqyryp alǵan. Keıin birneshe jerinen pyshaq salǵan. Qazirgi tańda qala turǵynyn ustaý boıynsha sharalar qabyldanýda.
Ázirge kúdiktiniń ornalasqan jeri anyqtalmaǵan.
