Qaraǵandy turǵyndaryn jaryqtyń jıi sónýi alańdatyp otyr
Ol kásiporyn ákimshiligimen birlesken jınalys ótkizip, «Jańa Jaryq» qosalqy stantsııasynda bolyp qaıtty.
Monopolıst qaraǵandylyqtardyń úılerinde jıi toq óship qalýyn úshinshi tulǵalardyń qosarlanýymen túsindirip, sonymen qatar qosalqy stantsııalardyń ornalasýy men qosylý shemalary tozǵanyna siltep otyr.
- Sońǵy iri apattyń birinen Ońtústik-Shyǵys pen Maıqudyq shaǵyn aýdandary jaryqsyz qalǵan. Onyń sebebi Qaraǵandyny aınalyp ótetin joldardy salyp jatqan merdigerlerdiń aldyn ala kelispesten áreket etýi boldy. Ol kezde bizdiń mamandar olqylyqty 10 saǵattan soń joıa aldy. Merdigerlerge biz, árıne, narazylyǵymyzdy bildirdik, olar jazasyn óteıdi. Dúısenbi, 23-shi shildede jaryq qala ortalyǵy men Mıhaılov shaǵyn aýdanynda bolmady. Ol kezde «Botanıkalyq baq» qosalqy stantsııasynda uıashyq janyp ketip, odan shyqqan tútin men kúıe basqa qurylǵylardy isten shyǵardy. Ony jóndeý úshin alty saǵat qajet boldy, - deıdi
«Qaraǵandy Jaryq» tehnıkalyq dırektory Konstantın Konradı.
Ol sonymen qatar negizgi problemalardyń biri - qala aınalasynda bylaısha aıtqanda, energetıkalyq saqınanyn joqtyǵymen baılanysty deıdi. Ol degenimiz, Qaraǵandydaǵy qosalqy stantsııalar bir birlerine jolaqty túre qosylǵan, jánede anaǵurlym iri stantsııada apat bolǵan jaǵdaıda shaǵyn stantsııalar da isten shyǵyp qalady eken. Bul máseleni qalanyń aınalasynda qýatty qosalqy stantsııalar salý arqyly sheshýge bolady.
Kompanııanyń josparynda - osyndaı saqına qurý. Sondaı-aq Ońtústik-Shyǵys pen Maıqudyq arasynda taǵy eki qosalqy stantsııa salý josparlanyp otyr. Olar keleshekte elektr qýatymen Qaraǵandynyń jańa ortalyǵyn qamtamasyz etedi.
Oblys ákimine elektr qýatyn taratýǵa tarıfterdiń ósý shemasy usynyldy. Kompanııa basshylyǵy usynǵan plakatta 2011-shi jyly tarıf bir kVt/saǵ 4,51 teńge bolsa, búgingi tańda 5,35 teńge bolǵany kórsetilgen.
- Men basqa sandardy kórdim, 2011-shi jyly tarıfter tómenirek bolǵan. Jalǵan sandardy salýdyń qajeti joq, nesine ótirik aıtasyzdar? - dep narazylyǵyn bildirdi aımaq basshysy. 
Sońyra, jınalys barysynda 2011-shi jyly tarıfter shynymen de tóm en bolǵany anyqtaldy, al elektr qýatynyń baǵasy kóterilýi plakatta kórsetilgennen anaǵurlym joǵary bolǵany aıtyldy. Kompanııa basshylyǵy ony qate jazylyp ketken dep túsindirdi. Erlan Qoshanov monopolısterge aldaǵy ýaqytta muqııat bolyp, esep berý úshin sandardy tómendetpeýge keńes berdi.
- Jalpy, sizder turaqty jumys isteısizder. Alaıda sapa jónine keler bolsaq, kemshilikter bar, turǵyndar shaǵym aıtýda. Ol problemalardy sheshý kerek, - dedi oblys ákimi.
Kezdesý sońynda kompanııa basshylyǵy jelilerdi qysqy maýsymǵa daıyndaý týraly esep berdi. Jalpy, JEO-1 jáne JEO-3 jumystarynda kesteden qalý baıqalmaıdy. Barlyq jumystar belgilengen merzimde aıaqtalady dep josparlanyp otyr.
