Qaraǵandy turǵyndary úıindegi jylýdy óshirýge ótinim bere alady

QARAǴANDY. QazAqparat – Qaraǵandy turǵyndary jylytý júıesin óshirý jóninde ótinish bere alady. Bul - tutynýshylardyń qarajatyn únemdeý maqsatynda jasalyp otyrǵan shara, dep habarlaıdy QazAqparat tilshisi.

Qaraǵandyda turǵyndardyń ótinishteri boıynsha jylý óshiriledi. Bul týraly qalalyq ákimdikte habarlady.

«Jylytý maýsymy aıaqtalýǵa jaqyn. Ótken jylǵydaı bireýi - úı sýyq, ekinshisi - ystyq dep shaǵymdanbas úshin turǵyndardyń óz ótinishimen ǵana jylytýdy toqtatý týraly sheshim qabyldanady. PIK, JS nemese MIB organdary «Teplotranzıt» JShS-ne úıdi jylýdan ajyratýǵa ótinim berýi tıis jáne bir táýlik ishinde jumys júrgiziledi. Úsh táýlik ishinde syrtqy aýanyń ortasha temperatýrasy +10°S jáne odan joǵary bolǵan kezde qalada jylytý maýsymyn aıaqtaımyz», – dep jazdy Qaraǵandy ákimi Meıram Kojýhov Instagram paraqshasynda.

Basqarýshy organ tóraǵasynyń qoly qoıylǵan ótinimdi Prıgorodnaıa kóshesi, 9/2 mekenjaıynda ornalasqan «Teplotranzıt Qaraǵandy» JShS jedel-dıspetcherlik qyzmetine jazbasha berý qajet.

Anyqtama telefony 56-17-79.