Qaraǵandy turǵyndary OQO-da lańkestik jasaýǵa árekettengeni úshin sottaldy

ShYMKENT. QazAqparat - Lańkestik jasamaqshy bolǵan Qaraǵandy turǵyndary uzaq merzimge sottaldy, dep habarlady «QazAqparat» HAA tilshisi. Bul atyshýly úrdis qylmystyq ister jónindegi mamandandyrylǵan aýdanaralyq sotta jabyq rejimde ótti. Úkim shyǵarylǵannan keıin baspasóz qyzmeti úkimdi jarııalady.

«Sot úkimimen top jetekshisi Samat Joldybaev 9 jylǵa, Aleksandr Krıvonosov -  8 jylǵa,  Asıf Tokarev 4 jyl 9 aı qatań rejimdegi kolonııada jazalaryn óteıtin bolady», - dedi OQO sotynyń ókili Nursulý Joraeva. Sot talqylaýy barysynda Joldybaev pen Krıvonosov elde tyıym salynǵan «DAISh» lańkestik uıymynyń múshesi bolǵany anyqtaldy.

Úshinshi sottalýshynyń da kompıýterinde ekstremıstik sıpattaǵy materıaldar bolǵan.  Sot qazan aıynyń ortasynda bastaldy. Er adamdarǵa QK 4-baby boıynsha aıyp taǵyldy: 192 (qaraqshylyq), 256 (Terrorızmdi nasıhattaý) jáne 432 (Qylmysty jasyrý). Іs materıaly boıynsha Almas Baıdildaevtiń tapsyrmasymen Qaraǵandy turǵyndary Shymkentke keledi.

Munda olar lańkestik jasaýdy josparlaǵan, alaıda  qylmyskerlerge aqsha qajet bolady. Olar Baıdildaevtiń ókimi boıynsha aqshany bıznesmennen tartyp alýlary tıis. 57 jastaǵy bıznesmen Baýyrjan Ábdýbaev sotqa jábirlenýshi retinde qatysty. Er adamnyń otbasyn qylmyskerler táýlik boıy torýyldaǵan. Alaıda iske arnaıy qyzmet qyzmetkerleri aralasyp, josparlaǵan isterin aıaǵyna deıin jetkizýge múmkindik bermedi.