Qaraǵandy turǵyndary azyq-túlik sebepsiz qymbattaǵan jaǵdaıda qaıda júgine alady

QARAǴANDY. QazAqparat – Qaraǵandy oblysynyń turǵyndary azyq-túlik pen gaz baǵasyn negizsiz kóterý máselesi boıynsha Senim qyzmetiniń call-ortalyǵyna habarlasa alady, dep habarlaıdy QazAqparat tilshisi.

Qaraǵandy oblysynyń turǵyndary azyq-túlik jáne avtokólikterge arnalǵan gazdyń baǵasy negizsiz qymbattaýyna baılanysty Senim 109 qyzmetine júgine alady.

Operatorlar 109 qysqa nómiri boıynsha dúkender men janar-jaǵarmaı quıý stansalarynyń ataýlary jáne mekenjaıy kórsetile otyryp túsken shaǵymdardy qabyldaıdy.

Atalmysh nómirge qalalyq jáne uıaly telefondardan qońyraý shalýǵa bolady.

Barlyq shaǵymdar baǵany turaqtandyrý maqsatynda quzyrly qyzmetterge jiberiledi.

Sonymen qatar Senim 109 operatorlaryna óńirdegi jaǵdaıǵa, kommýnaldyq problemalarǵa jáne basqa da máselelerge baılanysty suraq qoıýǵa bolady.