Qaraǵandy-Temirtaý jolynda júk kólikteri soqtyǵysty
QARAǴANDY. QazAqparat - Qaraǵandy-Temirtaý tas jolynda fýra «Gazel» kóligine soǵylyp, jol apatyna ushyrady, dep habarlaıdy QazAqparat tilshisi.
Jol-kólik oqıǵasy 12 shilde kúni saǵat tańǵy 09:00-der shamasynda bolǵan. Aldyn ala berilgen málimet boıynsha, «Reno» avtofýrasynyń 30 jastaǵy júrgizýshisi Reseıdiń azamaty bolyp shyqty. Ol Qaraǵandyǵa qaraı jol júrip kele jatyp, «Gazelge» soǵylǵan. Ekinshi kóliktiń rólinde 20 jastaǵy er adam otyrǵan.
«Oqıǵa saldarynan «Gazeldiń» júrgizýshisi, sondaı-aq, 19 jastaǵy jolaýshysy birneshe jerden jaraqat alyp, Temirtaý qalasynyń ortalyq aýrýhanasyna jatqyzyldy. Avtofýranyń júrgizýshisi de aýrahanaǵa jetkizildi. Ázirge dıagnozy belgisiz, anyqtalyp jatyr», - dedi oblystyń Іshki ister departamentiniń ókili.
Atalmysh fakti boıynsha QR Qylmystyq kodeksi 345 babynyń 1-bóligi boıynsha qylmystyq is qozǵaldy. Sáıkes saraptamalar taǵaıyndaldy.
