Qaraǵandy-Temirtaý tas jolynda kólik apatynan eki adam qaza tapty
QARAǴANDY. QazAqparat - Qaraǵandy-Temirtaý tas jolynda iri jol apatynan eki adam qaza taýyp, úsh adam aýrýhanaǵa jatqyzyldy, dep habarlaıdy QazAqparat.
Oblystyq ІІD baspasóz qyzmetiniń málimetinshe, 3 qyrkúıekte Temirtaý qalasynan úsh shaqyrym jerde Qaraǵandyǵa bara jatqan Toıota Lend Krýzer-200 kóliginiń 62 jastaǵy júrgizýshisi joldyń qarsy baǵytyna shyǵyp ketip, 27 jastaǵy jigit tizgindegen CHANGAN kóligin soqqan. Budan keıin Toıota Lend Krýzer-200 toqtamaı eki «Gazeldi» syzyp ótken.
Aýyr jaraqat alǵan CHANGAN kóliginiń júrgizýshisi men 34 jastaǵy jolaýshysy sol jerde qaza tapty. «Toıota Lend Krýzer-200» júrgizýshisi men CHANGAN kóliginiń eki jolaýshysy túrli deńgeıdegi jaraqatpen aýrýhanaǵa jatqyzyldy.
Tártip saqshylarynyń málimetinshe, jol apatyna qatysty QR QK-niń 345-baby 4 bóligi boıynsha sotqa deıinge tergeý júrgizilip jatyr.
Avtor: Gúlzat Sahova
