Qaraǵandy tas jolynda iri jol apatynan bir adam mert boldy
QARAǴANDY. QazAqparat - 16 mamyr kúni Qaraǵandy-Abaı tas jolynda úsh avtokóliktiń qatar soqtyǵysýy saldarynan bir adam mert bolyp, eki adam zardap shekti, dep habarlaıdy «QazAqparat» HAA tilshisi.
«Avtokóliktiń temiri kirip ketken zardap shegýshini qutqarý úshin arnaıy qyzmettiń kómegi qajet boldy. Oqıǵadan zardap shekken eki adam aýrýhanaǵa jetkizildi. Sondaı-aq kólik apaty bolǵan jerden mert bolǵan bir adamnyń máıiti tabyldy»,- delingen TJ departamenti taratqan baspasóz baıanynda.
Kólik apatynyń neden bolǵandyǵy anyqtalý ústinde.
