Qaraǵandy stomatologııasynda reseılik balanyń ólimine qatysty qylmystyq is qozǵaldy
ASTANA. QazAqparat - Qaraǵandyda eki jasar balanyń ólim sebebin anyqtaý maqsatynda Tiny Dent stomatologııalyq klınıkasyna jospardan tys tekseris júrgiziledi, dep habarlaıdy QazAqparat.
Atap ótilgendeı, Qaraǵandy oblystyq qoǵamdyq densaýlyq saqtaý departamentine 23 aqpan kúni "MEDCI" JShS-dan Reseı azamaty Semen Arzamastsev esimdi balanyń ólimi faktisi boıynsha habar túsken. Búldirshin «Oblystyq medıtsına ortalyǵy» RMM jansaqtaý bóliminde "Tiny Dent" stomatologııalyq klınıkasynda kúre tamyrǵa anestezııa egilgennen keıin qaza tapqan.
Osy oqıǵaǵa baılanysty QR Densaýlyq saqtaý mınıstrliginiń Qaraǵandy oblysy boıynsha Qoǵam densaýlyǵyn qorǵaý departamenti Іshki ister basqarmasymen birlese jospardan tys tekseris júrgizetin bolady. Qurylǵan komıssııanyń quramyna klınıkalyq farmokologııa, anestezıologııa-reanımatologııa, patomorfologııa, sot-medıtsınalyq saraptama jáne balalar stomatologııasy salalaryndaǵy táýelsiz sarapshylar endi.
Atalmysh fakti boıynsha QR QK 317-baby 3-tarmaǵy boıynsha qylmystyq is qozǵaldy.
Qaraǵandydaǵy stomatologııalyq emhanalardyń birinde eki jasar sábıdiń kóz jumǵandyǵy týraly buǵan deıin habarlaǵan bolatynbyz.
