Qaraǵandy soty sırııalyqqa bosqyn mártebesin berýden bas tartý týraly sheshimin túsindirdi
ASTANA. QazAqparat - Qaraǵandy soty Sırııa azamatyna bosqyn mártebesin berýden bas tartý týraly sheshimin túsindirdi, dep habarlaıdy QazAqparat.
Qaraǵandy qalasy Qazybek bı aýdany №2 aýdandyq sotynyń habarlaýynsha, sot óz sheshimi arqyly sheteldikti elden ketýge mindettegen emes jáne quqyq qorǵaý organdary aldyna ony birden elden shyǵarý týraly másele de qoıǵan joq. Sot sheshiminde sırııalyqqa bosqyn mártebesin berýden bas tartý týraly ǵana aıtylǵan.
«Alezaldın ıAser Djasem sotqa ózine bosqyn mártebesin berýden bas tartqan Kóshi-qon polıtsııasy basqarmasynyń áreketimen daýlasý týraly shaǵymmen júgindi. Sot sheshimimen Sırııa turǵynynyń shaǵym talabyn qanaǵattandyrýdan bas tartyldy. Munymen Qaraǵandy oblystyq sotynyń apellıatsııalyq satysy da kelisti. Biraq, shyǵarylǵan sot sheshimi Sırııa turǵynyn Qazaqstannan májbúrli túrde shyǵarýdy kózdemeıdi jáne onyń Qazaqstanda turý quqyǵyn shektemeıdi. Sot aktisinde «bosqyn» mártebesi týraly ǵana sóz boldy», - delingen №2 aýdandyq sot taratqan aqparatta.
Sırııalyq yqtııar hat rásimdeı alady. Biraq, ol atalǵan protsedýraǵa qarajatynyń bolmaýy sebepti ony jasaǵan joq. Sondyqtan oǵan deportatsııalaný qaýpi tóndi. Alaıda, qazirgi ýaqytta Kóshi-qon polıtsııasy sheteldiktiń jaǵdaıyn túsinip otyr. Kóshi-qon polıtsııasy ony jubaıynan jáne balalarynan aıyrýdy maqsat etip otyrǵan joq. Sol sebepti basqarma sırııalyqty Qazaqstannan deportatsııalaý týraly sotqa shaǵymdanbady. Qazaqstan zańnamasyna sáıkes deportatsııalaý sot sheshimimen ǵana júzege asyrylady.
