Qaraǵandy, Shyǵys Qazaqstan oblystarynda kúndiz burshaq jaýýy múmkin - 19 shildege arnalǵan aýa raıy boljamy
ASTANA. 18 shilde. QazAqparat - QR Qorshaǵan ortany qorǵaý mınıstrligi «Qazgıdromet» RMK málimetteri boıynsha, 19 shildede Qazaqstan aýmaǵynyń basym bóliginde aýa raıynyń turaqsyzdyǵy saqtalady.
Keı jerlerde naızaǵaı jarqyldap, jańbyr jaýady, burshaq jaýýy, uıytqyǵan jel soǵýy múmkin, tek respýblıkanyń batysynda jáne ońtústiginde jaýyn-shashynsyz aýa raıy kútilýde.
Qaraǵandy, Shyǵys Qazaqstan oblystarynda keı jerlerde jel 15-20 m/s-qa kúsheıedi dep kútilýde, kúndiz burshaq jaýýy múmkin. Jambyl, Mańǵystaý, Aqtóbe, Qostanaı, Pavlodar oblystarynda, kúndiz Atyraý oblysynda keı jerlerde jel 15-20 m/s-qa kúsheıedi dep kútilýde. Soltústik Qazaqstan oblysynda túnde jáne tańerteń keı jerlerde tuman túsedi dep kútilýde.
Atyraý oblysynda, keı jerlerde Mańǵystaý oblysynda qatty ystyq saqtalady.
Respýblıkanyń soltústik-batysynda, batysynda, ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysy ózenderiniń kópshiliginde sý deńgeıiniń turaqsyzdyǵy baıqalady. Qazaqstannyń jazyq aýmaǵynyń ózenderinde gıdrologııalyq tártipte aıtarlyqtaı ózgerister kútilmeıdi.
