«Qaraǵandy sheberler kózimen» atty kórme ashyldy
ASTANA. QazAqparat - Qaraǵandyda oblystyq beıneleý óneri murajaıynda «Qaraǵandy sheberler kózimen» atty kórme ashyldy. Ekspozıtsııa murajaıdyń 30 jyldyǵyna arnalady jánede «Rýhanı jańǵyrý» baǵdarlamasy sheńberinde ótkizilýde, dep habarlaıdy óńirlik ákimdiktiń baspasóz qyzmeti.
Kórmede murajaı qorynan alynǵan 80-nen astam óner týyndylary usynylǵan. Jádigerler Qaraǵandynyń tarıhy týraly syr shertip, shahardyń beınesin sıpattaıdy. Kórermender munda tanymal qaraǵandylyqtardyń - kenshiler, qurylysshylar, ǵalymdar, mádenıet jáne óner qaıratkerleriniń portrettik galereıasyn tamashalaı alady.
«1934-shi jyldyń 10-shy aqpanynda kenshiler kenti qala dárejesin aldy. Qaraǵandy kómir basseıni retinde búkilodaqtyq mańyzǵa ıe boldy. Qalanyń ósýi, dańǵyldar men kóshelerdiń, sáýlet eskertkishteri men músinderdiń paıda bolýy - munyń barlyǵyn óz kaǵazdaryna P.S. Andreıýk, P.K.Antonenko, V.I.Krylov, V.V.Býsh, G.G.Gılevskıı, S.F.Shkýratskıı sekildi sýretshiler túsirgen», - deıdi kórme uıymdastyrýshylary.
Ár zamanda Qaraǵandynyń beıneleý ónerinde kenshiler taqyryby basym bolyp kelgen. Ony R.Esirkeevtiń, V.Shamshınniń, ıÝ.Kamelınniń, E.Seleznevanyń jáne V.Tıýmınniń týyndylarynan kórýge bolady.
Sońǵy 20 jylda birtindep úıindiler pıramıdalary joǵalyp, ǵımarattar paıda bola bastady, olar Qaraǵandynyń belgilerine aınala bastady. Jańarǵan jáne jarqyn qalany P.P. Kıshkıs, S.D.Şegolıhın, V.A.Arent, I.A.Rakov, B.E.Mustafın, O.V.Drozdov, T.M.Abilqasovtyń sýretterinen baıqaýǵa bolady.
«Qaraǵandy sheberler kózimen» atty kórme beıneleý murajaıynda 12-shy aqpanǵa deıin jaǵasady.
