Qaraǵandy shahterleri elordanyń jańa ataýyna qoldaý bildirdi
«Asa qurmetti Elbasy! Qaraǵandy oblysynyń shahterleri qashanda Sizdiń tiregińiz. Biz árqashan tek qana Sizge senip keldik. Sizge senýge bolatynyn san márte isińizben dáleldedińiz. Siz eńbek adamyn jete túsindińiz, óıtkeni ózińiz de eńbek adamysyz. Sizdiń prezıdenttik ókiletińizdi tapsyrý týraly sheshimińizdi estip, kóńilimiz qulazydy», - dep jazady Qaraǵandy shahterleri.
Olardyń jazýynsha, shahterler ortasynda bul jańalyqqa júregi aýyrmaǵan adam joq.
«Bizge uzaq ýaqyttan beri kórsetip kelgen qoldaýyńyz úshin Sizge alǵys aıtamyz. Siz árdaıym eń qıyn sátterde bizben birge boldyńyz. Biz únemi Sizdiń qamqorlyǵyńyzdy sezinemiz. Biz árqashan Sizdiń baǵytyńyzdy qoldaımyz. Biz elimizdiń júregi - elordany Nur-Sultan dep atalǵanyn qoldaımyz. Bizdiń aýyr eńbegimizdi únemi joǵary baǵalaǵanyńyz úshin Sizge taǵy da alǵys aıtqymyz keledi. Sizge myqty densaýlyq jáne amandyq tileımiz», - dep túıindeıdi shahterler.