Qaraǵandy shahtasyndaǵy órttiń boljaldy sebepteri ataldy
ASTANA. QazAqparat - «ArselorMıttal Temirtaý» AQ Kostenko shahtasyndaǵy órttiń boljaldy sebepterin atady, dep habarlaıdy QazAqparat.
«Órttiń shyǵý sebebi tabıǵı qubylyspen baılanysty bolýy múmkin», - delingen kompanııa habarlamasynda.
Qazirgi ýaqytta Kostenko shahtasy tirshilikti qamtamasyz etý rejiminde jumys istep jatyr. Alynǵan synamalardyń saraptamasy apattyq aýmaqqa jarylys qaýpi tónip turmaǵanyn kórsetti.
«Oqıǵa baqylaýǵa alyndy jáne únemi qadaǵalanýda. Qazirgi ýaqytta órt oshaǵyn oqshaýlaý jumystary jalǵasyp jatyr. Kóp keshiktirmeı kompanııanyń jaýapty qyzmetteri apatty aýmaqta qaýipsiz jumys isteý boıynsha sharalardy ázirledi. Júrgizip jatqan monıtorıng pen saraptama negizinde aldaǵy is-áreketter boıynsha sheshim qabyldanady», - delingen habarlamada.
Órt oshaǵyn oqshaýlaý boıynsha barlyq jumystar qaýipsiz rejimde júrgiziledi jáne jumysqa tartylǵan adamdardyń ómirine esh qaýip tóndirmeıdi.
Sondaı-aq, kompanııanyń habarlaýynsha, ýaqytsha jumysy toqtatylǵan Kostenko shahtasyndaǵy jumysshylardyń bir bóligi ózge shahtalarǵa jiberiledi jáne qalǵan jumysshylar apat saldaryn joıýǵa jumyldyrylady.
