Qaraǵandy shahtasyndaǵy órt: 227 adamnyń 182-si evakýatsııalandy

QARAǴANDY. QazAqparat - Qaraǵandy oblysy ákimdiginiń málimetinshe, órtenip jatqan «Qazaqstan» shahtasynan 182 adam joǵaryǵa kóterilip, evakýatsııalandy, dep habarlaıdy QazAqparat.

Shahtada 227 adam bolǵan. Qazirgi tańda 45 adam qalyp otyr.

«17 tamyz kúni saǵat 10:05-te «ArselorMıttal Temirtaý» AQ Kómir departamenti «Qazaqstan» shahtasynda D6 kómir eńisin ıgerý barysynda konveıerlik taspa órtendi. Avarııany joıý jospary engizildi. Shahtany jeldetý júrgizilip jatyr. Oqıǵa ornyna «Kásibı áskerılendirilgen avarııalyq-qutqarý qyzmeti» respýblıkalyq ortalyq shtabynyń (15 mamany men 5 tehnıkasy) jáne Tótenshe jaǵdaılar departamentiniń (8 mamany men 2 tehnıkasy) 3 bólimshesi bardy», - delingen «Arselor-Mıttal Temirtaý» AQ baspasóz qyzmeti buǵan deıin taratqan habarlamada.