Qaraǵandy shahtasyndaǵy apat saldary eki táýlik ishinde tolyqtaı joıylady
QARAǴANDY. QazAqparat - Qaraǵandy oblysyndaǵy «ArselorMıttal Temirtaý» AQ kómir departamentiniń Lenın atyndaǵy shahtasynda bolǵan órt saldaryn jaqyn kúnderi tolyq joıady, dep habarlaıdy «QazAqparat» HAA tilshisi kompanııanyń baspsóz qyzmetine silteme jasap.
«Lenın atyndaǵy shahtaǵa baılanysty jaǵdaı birqalypqa keltirildi. Kómirdiń ózdiginen janýy saldarynan bolǵan órt aýyzdyqtalyp, tolyqtaı sóndirildi. Qazirgi tańda saldaryn joıdyrý jumystary júrgizilýde. Shahtada qazir lavalardyń birinde kómir óndirilýde. Ekinshi lavany bir-eki táýlikte iske qosamyz dep kútilýde», - delingen habarlamada.
Kompanııanyń aqparatyna súıensek, shahtadaǵy aýa temperatýrasy sanıtarlyq normalarǵa sáıkes kelip tur.
Eske sala ketsek, kómirdiń ózdiginen janýy jerden 620 metr tereńdikte bolǵan. Órtti toqtatýǵa bir táýlikke jýyq ýaqyt jumsaldy.
9 jeltoqsanda tún jarymynda Qaraǵandy oblysynyń Temirtaý qalasynda «ArselorMıttal Temırtaý» metallýrgııalyq kombınatynda qaınap turǵan shoıynnyń tógilýi saldarynan iri órt boldy. Kompanııanyń málimdeýinshe, apat bolǵan kezde shahtada 178 adam bolǵan. Zardap shegýshiler joq. Jumysshylar qutqarýshylar kelmeı turyp jer betine shyǵyp úlgergen. «ArselorMıttal Temırtaý» AQ ArselorMıttal kompanııasynyń quramyna kiredi jáne Qazaqstan Respýblıkasynyń taý-metallýrgııalyq salasyna jatatyn iri kásiporyn. «ArselorMıttal Temırtaý» quramynda Temirtaýdaǵy metallýrgııa kombınaty, Qaraǵandy oblysyndaǵy kómir shahtalary, Qaraǵandy, Aqmola jáne Qostanaı oblysyndaǵy temir kenin óndiretin 4 ken orny bar.
