Qaraǵandy shahary Qazaqstannyń IT-astanasyna aınalmaq
Ótken jyly «Terrıkon alqabynyń» uıymdastyrýymen 150-den astam is-shara ótti. Olar jas mamandarǵa jańa bilim alýǵa, al tájirıbeli kásipkerlerge áriptesteriniń tájirıbesin qabyldaýǵa, keısterdi zertteýge, seriktester men ınvestorlardy tabýǵa múmkindik berdi.
Shamamen bir jyl buryn Terricon school zamanaýı baǵdarlamalaý mektebi iske qosyldy. Ol Astana Hub «Tech Orda» IT-startaptar halyqaralyq tehnoparkiniń baǵdarlamalaý mektepterin qarjylyq qoldaý baǵdarlamasyna qatysady.
Qazirgi ýaqytta munda oqytýdyń tórt baǵyty boıynsha 54 adam bilim alýda. Bıylǵy jyly dızaın, Python, PHP, S#, Kotlin sııaqty baǵyttar boıynsha daıyndyq kýrstaryn engizý josparlanýda.
Bıyl 150-den astam is-shara uıymdastyrylady. Erte kezeńdegi jobalarǵa ınvestıtsııalaý úshin venchýrlik qor qurý, jobalarǵa birlesip ınvestıtsııalaý úshin salalyq seriktesterdi tartý, bıznes-perishteler qaýymdastyǵyn qalyptastyrý, MedTech-Akseleratoryn ótkizý, hab keńistigin keńeıtý jáne R&D-ortalyǵyn ashý josparlanýda.
«Qazirgi ýaqytta «Terrıkon alqabynda» 60–70 oryndyq eki dáris zaly bar. Sondaı-aq aqyly jáne aqysyz kovorkıngter men podkast stýdııalary bar. Bizdiń basty maqsatymyz – 2025 jylǵa qaraı 10 myń ІT-mamandardy oqytý. Ol úshin qalamyzdyń joǵary oqý oryndary men kolledjderi arasyndaǵy qarym-qatynasty nyǵaıtatyn bolamyz», – deıdi ІT-Hab dırektory Sabyr Nııazov.
