Qaraǵandy saıabaǵyndaǵy kól tazartylady
QARAǴANDY. QazAqparat – Qaraǵandyda saıabaqtaǵy kól taza sýmen toltyrylýy úshin jobalaý uıymdarynyń kómegine júginedi. Ekologııalyq joba oblystyq bıýdjetten qarjylandyrylady. Bul týraly aımaq basshysy Jeńis Qasymbek málimdedi, dep habarlaıdy QazAqparat tilshisi.
Qaraǵandy oblysynń ákim ortalyq saıabaqtaǵy kól máselesi boıynsha ekologtardyń qatysýymen kóshpeli keńes ótkizdi.
«Qaraǵandylyqtar saıabaqtyń jaı-kúıine alańdaýly. Áleýmettik jelide sýretter men beıneler kóp. Turǵyndar máseleni durys kóterip jatyr. Kól Buqpa ózeniniń bógelýiniń saldarynan álsiz aǵysqa baılanysty batpaqqa aınalyp keledi. Sondyqtan keshendi jáne júıeli sheshim qajet. Jyl saıyn ózen tazalaý jáne sanatsııamen aınalysý kerek», – dedi Jeńis Qasymbek.
Shilde aıyna deıin qala ákimdigi jobalyq qujattamany ázirleýi tıis. Jumysty jazda bastaý josparlanyp otyr. Olardy ótkizýge qarajat oblystyq bıýdjetten bólinedi.
Qajetti soma jobalaý nátıjesi boıynsha belgili bolady. Qazaqstanda sý aıdyndaryn tazartýmen aınalysatyn uıymdar bar.
Sońǵy kúnderi saıabaq kólindegi sý deńgeıi kóterildi. Biraq túbin baldyrdan tazartý kerek. Bul jumysty saıabaqtardy basqarý qyzmetkerleri qolmen júrgizedi. Qajetti tehnıka jumyldyrylady.
