Qaraǵandy saıabaǵynan ıesiz qalǵan saýda dúńgirshekteri shyǵarylyp jatyr
ASTANA. QazAqparat - Qaraǵandy qalasynyń Ortalyq saıabaǵyn kásipkerler tastap ketken jyljymaly saýda núktelerinen tazartý jumystary júrgizilip jatyr, dep habarlaıdy QazAqparat ákimniń saıtyna silteme jasap.
Mundaı tótenshe sharaǵa qalalyq saıabaqtar basqarmasyn bıznesmender tarapynan esh áreket jasalmaýy ıtermelep otyr. Kásipkerlermen jasalǵan kelisimsharttardyń merzimderi ótken jyldyń qyrkúıeginde aıaqtalǵan, alaıda olardyń birde biri sáıkesinshe eskertýler alǵanymen, eski dúńgirshekter men konteınerlerdi alyp tastaýǵa asyǵar emes. Tastap ketken saýda núkteleri Qaraǵandynyń saıabaqtar basqarmasynyń aýmaǵyna (Mıchýrın kóshesi, 21a) tasymaldanyp jatyr. Sol jerden olardy ıeleri alyp kete alady.
Aıta ketý kerek, bıylǵy jyly Qaraǵandy qalasynyń Ortalyq mádenıet jáne demalys saıabaǵyn kógaldandyrý jáne ásemdeýdiń jańa kontseptsııasy júzege asyrylatyn bolady. Osylaısha, bas sahna men kógildir arka arasyndaǵy barlyq jyljymaly saýda núkteleri alyp tastalatyn bolady. Munda tabıǵı kók shóp egilip, qylqyn japyraqty aǵashtar otyrǵyzylyp, topıarly músinsheler ornatylady.
