Qaraǵandy saparjaıynda el ishindegi avtobýstardyń baǵasy arzandady
QARAǴANDY. QazAqparat - Qaraǵandy qalasynyń avtovokzalynda el ishindegi keıbir marshrýttarǵa bılet baǵasy arzandady. Bul týraly oblys ákimdiginiń baspasóz qyzmetinen málim etti, dep habarlaıdy QazAqparat.
Endi Nur-Sultanǵa avtobýspen - 1200 teńgege, Balqashqa 2800 teńgege jetýge bolady. Almatyǵa nemese Shymkentke sapar 5 570 teńge turady. Óskemenge deıin bılet quny - 7000, Semeıge - 4 400, Pavlodarǵa 3000 teńgeni quraıdy.
Sonymen qatar «Qaraǵandy-Taldyqorǵan» jańa reısi ashyldy. 13 qyrkúıekten bastap bul baǵytta avtobýs kún saıyn júretin bolady. Jóneltilý ýaqyty - 23.00, bılet quny - 8500 teńge.
Buǵan qosa, «Qaraǵandy – Petropavl» baǵyty qaıta jandandy. Avtobýs aptasyna úsh ret: seısenbi, beısenbi jáne senbi kúnderi júredi. Jóneltilý ýaqyty – 15.40, Temirtaý arqyly bılet quny – 6 000 teńge.
Barlyq marshrýttarǵa bıletterdi 30 kún buryn aldyn ala satyp alýǵa bolady.
Bıletterdi bank kartasymen ınternet, ınternet-bankıng, Qiwi, kassa24 termınaldary arqyly onlaın brondaý jáne satyp alý táýlik boıy júzege asyrylady.
Avtovokzal kassasy men termınaldar saǵat 06:00-den 23:00-ge deıin túski úzilissiz jáne demalyssyz jumys isteıdi.
