Qaraǵandy polıtsııasy jaıaý júrginshini qaǵyp ketken júrgizýshini izdestirip jatyr
QARAǴANDY. QazAqparat - Qaraǵandy polıtsııasy jaıaý júrginshini qaǵyp ketken kólik júrgizýshisin izdestirip jatyr, dep habarlaıdy QazAqparat.
«22 naýryz kúni 22 saǵatta Qaraǵandydaǵy Muqanov kóshesinde kóligimen adamdy qaǵyp ketken júrgizýshi oqıǵa ornynan izin sýytqan. Kólik markasy áli anyqtalǵan joq, júrgizýshiniń de kim ekeni belgisiz», - dep habarlaıdy jergilikti polıtsııa qyzmeti departamentinen.
Japa shegýshi aýrýhanaǵa tústi. Oqıǵaǵa qatysty QK 345-baby (Kólik quralyn basqarǵan adamnyń jol erejesin buzýy) jáne 347-baby (jol-kólik oqıǵasy bolǵan jerden ketip qalý) boıynsha qylmystyq is qozǵaldy. Polıtsııa oqıǵaǵa kýá bolǵan adamdardan kómek surap otyr.
«Kólik júrgizýshisin jáne onyń qaıda ekenin biletin adamdardan jedel 102 nemese 8 701 5500191 nómirine habarlasýyn suraımyz», - dep habarlaıdy jergilikti polıtsııa qyzmetiniń izdeý bólimi.
