Qaraǵandy polıtsııasy jalǵan qylmystar týraly habarlaǵan «ázilkeshti» izdestirýde

QARAǴANDY. QazAqparat – Qaraǵandy polıtsııasyna bir mezgilde úsh birdeı qylmys týraly habarlama kelip túsken. Alaıda olardyń barlyǵy jalǵan aqparat bolyp shyqty, dep habarlaıdy QazAqparat tilshisi.

12 mamyr, keshki toǵyz shamasynda belgisiz bireý Qaraǵandy polıtsııasyna qońyraý shalyp, úsh túrli mekenjaı boıynsha qylmys jasalǵanyn aıtqan. Kórsetilgen oryndarǵa barlyq shuǵyl den qoıý qyzmetteri jiberildi. Keıinnen olardyń barlyǵy jalǵan ekeni anyqtaldy.

«»102« pýltine úsh mekenjaı boıynsha qylmys jasalǵany týraly jasyryn habarlama kelip tústi. Mekenjaılardy tekserý kezinde faktiler rastalǵan joq. Qazirgi ýaqytta polıtsııa qyzmetkerleri qońyraý shalǵan abonentti anyqtaýda. Anyqtalǵan jaǵdaıda ol jaýapkershilikke tartylady», - dep habarlaıdy Qaraǵandy oblysy Polıtsııa departamentiniń baspasóz qyzmetinen.