Qaraǵandy polıtsııasy kúre jolda bolǵan qarýly qaraqshylyq qylmystyń izin sýytpaı ashty
QARAǴANDY. QazAqparat - Qaraǵandy oblysynyń polıtseıleri qala syrtyndaǵy kúre jolda bolǵan qaraqshylyq shabýyldyń betin ashty, dep habarlady «QazAqparat» HAA tilshisi.
«Shet aýdanynyń ІІB kezekshi bólimine Batyq aýylynan 15 shaqyrym jerde Qaraǵandy-Jezqazǵan jolynda úsh belgisiz adamnyń júk kóligine qaraqshylyq shabýyl jasaǵany jaıly aqparat tústi. Olar júrgizýshini qarýmen qorqytqan. Kólik fırmalardyń biriniki bolyp shyqty», - dedi ІІD baspasóz qyzmetiniń basshysy Baqytjan Qudııarov.
Qylmyskerler 400 myń teńgeni qoldy etip, boı tasalaǵan. Atalmysh fakti boıynsha ІІO barlyq jeke quramy jumyldyryldy. Jedel-izdeý sharalary barysynda polıtsııa qyzmetkerleri kúdiktiler jasyrynǵan kólikti anyqtady.
«12 saǵattan soń Atasý kentinde «VAZ-2107» kóligi ustaldy. Onyń ishinde 24 jastaǵy júrgizýshi, 24 jáne 26 jastaǵy jolaýshy bolǵan. Jaýap alý barysynda olar qylmystaryn moıyndady. Zattaı dálel - qarý, aqsha tárkilendi», - dedi B. Qudııarov.
Kúdiktiler ýaqytsha ustaý oqshaýlaǵyshyna qamaldy. QK 192-baby 2-bóligi boıynsha sotaldy tergeý júrip jatyr.
