Qaraǵandy polıtsııasy adam qaǵyp óltirgen júrgizýshini izdep jatyr
QARAǴANDY. QazAqparat - Qaraǵandy oblysynyń aýmaǵynda Almaty-Ekaterınbýrg tasjolynda belgisiz júrgizýshi jaıaý júrginshini qaǵyp ketip, izin sýytqan. Júrginshi sol jerde kóz jumdy, dep habarlaıdy «QazAqparat» HAA tilshisi.
Oqıǵa 8 qazanda tańerteń Osakarovsk aýdany Batpaq aýylynyń mańynda respýblıkalyq jolda bolǵan. «Mersedes» júrgizýshisi Osakarovkadan Qaraǵandyǵa qaraı bara jatqan. Ol adamdy qaǵyp óltirip, sol jerden ketip qalǵan.
«Avtomobıl adam soqqannan keıin, aldyńǵy sol jaq shamy, aoldyńǵy terezesi jáne kapoty zaqymdanǵan. Avtomobıl men onyń ıesi týraly aqparat biletin tulǵalar myna telefondarǵa habarlasyp, aqparat berýi kerek: 102, 8 (7212) 41-55-55 nemese 8 700 745 95 79», - dep habarlady Qaraǵandy oblystyq ІІD-niń Jergilikti polıtsııa qyzmeti. Qaza tapqan júrginshiniń de jeke basy anyqtalmady.
