Qaraǵandy polıtseıleri jalǵan nómir taqqan kólikti ustady
QARAǴANDY. QazAqparat - Qaraǵandyda polıtseıler jalǵan nómiri bar kólikti ustady, onyń naqty ıesi Reseı turǵyny bolyp shyqty, dep habarlaıdy QazAqparat tilshisi.
Qaraǵandy qalasynyń PB patrýldik polıtsııa polkiniń jasaǵy qala kósheleriniń birinde jyldamdyqty asyryp júrip kele jatqan VAZ-21112 avtokóligin toqtatty. Tártip buzýshy 19 jastaǵy jas jigit bolyp shyqty.
«Qujattardy tekserý kezinde kóliktiń Reseı Federatsııasynyń Perm ólkesiniń turǵynyna tıesili ekeni anyqtaldy.
Sondaı-aq, kólikti tekserý kezinde patrýl qyzmetkerleri ózgertýler jasalǵanyn baıqaǵan - bagaj bóliginde dánekerleý izderi boldy», - dep habarlady Qaraǵandy oblysy PD baspasóz qyzmeti.
Atalǵan fakti boıynsha QR QK 386-baby «Kólik quralynyń sáıkestendirý nómirin qoldan jasaý, joıý, kórineý jalǵan sáıkestendirý nómiri bar kólik quralyn ótkizý» boıynsha qylmystyq is qozǵaldy. Tergeý amaldary júrgizilýde.
