Qaraǵandy polıtseıleri úıdiń shatyryna shyǵyp ketken jalańash er adamdy túsirdi

QARAǴANDY. QazAqparat – Qaraǵandynyń ortalyǵynda er adam kıimin sheship tastap, bes qabatty úıdiń shatyryna shyǵyp ketken. Mundaı qadamǵa ol otbasylyq janjaldan keıin barǵan, dep habarlaıdy QazAqparat tilshisi.

Qaraǵandynyń tanymal pablıkteriniń birinde jalańash kúıinde kópqabatty úıdiń shatyrynda otyrǵan er adam týraly vıdeo jarııalandy. Jaqyn mańdaǵy úılerdiń turǵyndary ony kórip, polıtsııa jasaǵyn shaqyrǵan. Oqıǵa ornyna jedel túrde patrýldik polıtsııa polkiniń eki qyzmetkeri kelip jetti. Tártip saqshylary kópqabatty úıdiń shatyryna shyǵyp ketken er adamnyń ómirin saqtap qaldy.

Keıin anyqtalǵandaı, er adam týǵan-týystarymen janjaldasqannan keıin úıdiń tóbesine kóterilgen. Ol jerde aıazdy kúni kıimsiz jarty saǵattan artyq ýaqyt otyrǵan.

«Habarlama 102 telefonyna 18.20 shamasynda kelip tústi. Qaraǵandy polıtsııa basqarmasynyń JBO kezekshisi oqıǵa ornyna jaqyn jerdegi polıtsııa narıadyn jiberdi. Patrýldik polıtsııa polkiniń qatardaǵy sarbazy Damır Orazov pen stajer Tımýr Sultanǵazy er adamdy anyqtady. Polıtsııa qyzmetkerleri 31 jasar er adamdy úıdiń tóbesinen túsirip alǵan soń, oqıǵa ornyna jedel járdem kóligi shaqyrtyldy», - delingen Polisia.kz aqparattyq medıa-portalda

Aldyn ala málimetter boıynsha, er adam ishimdik ishken. Dárigerler habarlaǵandaı, onyń qoly men aıaq saýsaqtaryn І dárejeli úsik shalǵan.