Qaraǵandy polıtseıleri men eriktiler jasóspirimder qylmysyna qarsy kúsh biriktirdi
QARAǴANDY. QazAqparat – Qaraǵandy oblysynda Shahtınsk qalasynyń ıÝvenaldy polıtsııa tobynyń ýchaskelik polıtsııa ınspektorlary eriktilermen birlesip jasóspirimder qylmysynyń aldyn alý boıynsha reıdter ótkizýde, dep habarlaıdy QazAqparat.
Osy shara barysynda olar túngi oıyn-saýyq oryndary men oıyn klýbtaryn aınalyp ótip, quqyqbuzýshylyq jasaǵan mekeme ıelerin jaýapqa tartty, dep habarlaıdy QazAqparat tilshisi.
Qazaqstan Respýblıkasynyń Prezıdenti 2020 jyldy Volonterlar jyly dep jarııalady. Sonymen qatar, Іshki ister mınıstri bıylǵy jyldy Ýchaskelik polıtsııa ınspektorlary jyly dep jarııalady.
Osyǵan baılanysty Shahtınsk aımaǵynda turaqty túrde ýchaskelik polıtseıler men volonterlerdiń birlesken reıdtik is-sharalary ótkiziledi.
9-shy aqpanda Shahtınsk qalasy PB ıývenaldy polıtsııa tobynyń ýchaskelik ınspektorlary volonterlarmen birlesip kóńil kóterý mekemelerine reıd júrgizdi. Olardyń basty maqsaty kámeletke tolmaǵandar jáne olarǵa qatysty qylmystar men quqyqbuzýshylyqtardyń aldyn alý bolyp tabylady.
Osyndaı oryndardyń birin tekserý kezinde tártip saqshylary 21 jasqa tolmaǵan tulǵalarǵa alkogol ishimdikterin satý faktisin anyqtady.
Aıta ketý kerek, polıtseıler atalmysh mekemeniń qojaıyndaryna osyǵan deıin de birneshe ret eskertý jasaǵan. Keıbir túngi klýb ıelerine buryn tártip buzǵany úshin aıyppul salynǵanyna qaramastan, eriktiler munda taǵy da zańbuzýshylyqtardy anyqtady.
«Atalǵan fakti boıynsha mekeme ıesine QR ÁQBK 200 baby boıynsha ákimshilik is qozǵaldy jáne is materıaldary odan ári mamandandyrylǵan ákimshilik sotqa alkogol ónimin satýǵa lıtsenzııa alý jáne ony toqtata turý úshin jiberiledi», - dep habarlady Qaraǵandy oblysy PD baspasóz qyzmeti.
