Qaraǵandy polıtseıleri boryshkerlerden 26 mln teńge óndirip aldy
QARAǴANDY. QazAqparat – Jarty aıda Qaraǵandy oblysynyń polıtsııa qyzmetkerleri «Boryshker» jedel aldyn alý sharasy kezinde ákimshilik aıyppuly bar azamattardan 26 mln teńgeden astap qarajatty óndirip aldy, dep habarlaıdy QazAqparat tilshisi.
24 aqpan men 10 naýryz aralyǵynda Qaraǵandy oblysynyń polıtsııa departamenti jeke sot oryndaýshylarynyń óńirlik palatasymen birlesip «Boryshker» jedel-aldyn alý is-sharasyn ótkizdi.
Іs-sharanyń negizgi maqsaty – quqyq buzǵany úshin «jazalaýdyń bultartpastyǵy» prıntsıpin júzege asyrý.
Máselen, jedel aldyn alý sharasy aıasynda oblys boıynsha jalpy somasy 26 mln 147 myń teńgeniń 2061 aıyppulyn óndirildi.
Jeke sot oryndaýshylarynyń óńirlik palatasy qyzmetkerlerimen birlesip, tártip saqshylary atqarýshylyq is júrgizý materıaldary boıynsha 569 reıd ótkizdi.
Oblys boıynsha arnaıy aıyppul turaqtaryna 11 kólik quraly jabyldy, onyń ishinde bir avtokólik Reseı Federatsııasynda tirkelgen.
Sondaı-aq, polıtseıler JQE buzǵan júrgizýshilerge 1 mln 414 myń teńge kóleminde aıyppul tóleý qajettiligi týraly 96 uıǵarym berdi. Olardyń ishinde Reseı Federatsııasynda tirkelgen 34 kóliktiń ıesi - 638 myń teńge, Armenııa Respýblıkasynda tirkelgen 4 kólik júrgizýshisi - 69 myń teńge aıyppul tóledi.
Budan basqa, polıtseıler boryshkerlerdi mekenjaıy boıynsha aralap shyqty. Osylaısha, tártip saqshylary jeke sot oryndaýshylarymen birlese otyryp, 3 ákimshilik aıyppuldan astam boryshy bar 80 qaryzgerdiń páterine bardy.
Atalǵan is-sharanyń nátıjesinde boryshkerlerden 525 myń teńge somasyna 39 aıyppul óndirip alyndy, aıyppul tóleý qajettigi týraly 48 habarlama taratyldy.
Aıta ketý kerek, jeke sot oryndaýshylary kólik quraldaryn alyp qoıý, banktik shottarǵa tyıym salý, jyljymaly jáne jyljymaıtyn múlikke tyıym salý, qyzmet kórsetkeni úshin aıyppul somasynyń 25%-na deıin qosymsha tólem alý boıynsha sharalar qabyldaýda.
Sondaı-aq, polıtsııa departamenti ákimshilik aıyppuldy ýaqtyly tólemegen quqyq buzýshy QR ÁQBK 669-baby boıynsha ákimshilik jaýapkershilikke tartylatynyn eskertedi.
Ákimshilik aıyppuldardy májbúrlep óndirip alýdy boldyrmaý úshin polıtsııa departamenti aıyppuldardy ýaqytyly tóleýdi usynady.
