Qaraǵandy polıtseıleri 16 jyl qashyp júrgen qylmyskerdi ustady
QARAǴANDY. QazAqparat - Qaraǵandy polıtseıleri Almatyda qaraqshylyq jasap, adam óltirgeni úshin 16 jyl izdeýde júrgen qylmyskerdi ustady. Bul týraly oblystyq ІІD-niń baspasóz qyzmeti habarlady.
2000 jyldyń qańtarynda Qaraǵandydaǵy jeke fırmaǵa qaraqshylyq shabýyl jasaldy. Úsh tonaýshy kúzetshini baılap, 500 myń teńgeden astam qarajatty qoldy etken. Tórt aıdan keıin osy fırmaǵa qaıta qarýly shabýyl jasaldy. Bul joly qylmyskerler 1 mln teńgeniń keńse tehnıkasyn ıemdenip ketti. Tonaýshylar baılap alyp ketken kúzetshini Saran qalasynan 5 shaqyrym jerdegi kólge batyryp jibergen.
«Eki fakt boıynsha qylmystyq is qozǵaldy. Eki kúdikti ustaldy, al basty kúdikti qutylyp ketti. «Іzdeý» sharasy barysynda kúdiktiniń Almaty júrgeni anyqtaldy. 2016 jyly 16 naýryzda 36 jastaǵy er adam ustalyp, qazir Qaraǵandyǵa jetkizildi, ol tergeý abaqtysyna qamaldy», - dep habarlady oblystyq ІІD baspasóz qyzmeti.
